<p>തമിഴ്&zwnj;നാട്ടിലെ കൃഷ്ണഗിരി ജില്ലയിൽ ഹൈസ്&zwnj;കൂൾ വിദ്യാർഥിനി കൂട്ട ബലാത്സംഗത്തിനിരയായി. സ്കൂളിലെ മൂന്ന് അധ്യാപകരാണ് കുട്ടിയെ ബലാത്സംഗത്തിനിരയാക്കിയതെന്ന് പോലീസ് പറഞ്ഞു.</p> <p>കുറ്റവാളികൾക്കെതിരെ ശക്തമായ നടപടി ആവശ്യപ്പെട്ട് പ്രദേശത്ത് ജനകീയ പ്രതിഷേധം ശക്തമായിട്ടുണ്ട്.സംഭവത്തിൽ പ്രതികളെല്ലാം പിടിയിലായി. പെൺകുട്ടിയുടെ അമ്മയുടെ പരാതിയിൽ പോക്സോ നിയമത്തിന്റെ അടിസ്ഥാനത്തിലാണ് ഇവർക്കെതിരെ കേസ് രജിസ്റ്റർ ചെയ്ത&zwnj;ിരിക്കുന്നത്. പ്രതികൾ ഇപ്പോൾ പോലീസ് 15 ദിവസത്തെ പോലീസ് കസ്റ്റഡിയിലാണ്.</p> <p>ഒരു മാസമായി ഇരയായ പെൺകുട്ടി സ്കൂളിൽ എത്തിയിരുന്നില്ല. ഈ വിവരം സ്കൂൾ പ്രിൻസിപ്പൽ കുട്ടിയുടെ മാതാപിതാക്കളെ വിളിച്ച് അന്വേഷിച്ചപ്പോഴാണ് സംഭവം പുറത്തറിഞ്ഞത്. പ്രിൻസിപ്പലിന്റെ നിർദേശം അനുസരിച്ചാണ് കുട്ടിയുടെ അമ്മ പോലീസിലും ജില്ലാ ശിശു സംരക്ഷണ വകുപ്പിലും പരാതി നൽകിയത്. പെൺകുട്ടി ഇപ്പോൾ ആശുപത്രിയിൽ ചികിത്സയിലാണ്.</p>