<p>നാഷണൽ തെർമൽ പവർ കോർപ്പറേഷൻ ലിമിറ്റഡ് (എൻടിപിസി) എൻജിനീയറിംഗ് എക്സിക്യൂട്ടീവ് ട്രെയിനി തസ്തികകളിലേക്ക് അപേക്ഷകൾ ക്ഷണിക്കുന്നു. താൽപര്യമുള്ള ഉദ്യോഗാർത്ഥികൾക്ക് എൻടിപിസിയുടെ ഔദ്യോഗിക വെബ്&zwnj;സൈറ്റ് വഴി അപേക്ഷിക്കാവുന്നതാണ്. ഫെബ്രുവരി 13 വരെ അപേക്ഷകൾ സമർപ്പിക്കാം. ആകെ 475 ഒഴിവുകളാണുള്ളത്. അപേക്ഷകർ ശ്രദ്ധിക്കേണ്ട പ്രധാനപ്പെട്ട കാര്യങ്ങൾ ചുവടെ.</p> <p>വിദ്യാഭ്യാസ യോഗ്യത</p> <p>രാജ്യത്തെ അംഗീകൃത യൂണിവേഴ്സിറ്റികളിൽ നിന്നുള്ള ബി.ഇ/ ബി.ടെക് ബിരുദം.</p> <p>പ്രായം: 27 വയസാണ് ഏറ്റവും ഉയർന്ന പ്രായപരിധി. എസ് സി, എസ്ടി, ഒബിസി, പിഡബ്ല്യൂഡി, എക്സ്എസ്എം എന്നീ വിഭാഗങ്ങൾക്ക് പ്രായപരിധിയിൽ ഇളവുണ്ട്. ഇക്കാര്യം മാർഗനിർദ്ദേശത്തിൽ വ്യക്തമാക്കുന്നുണ്ട്.</p> <p>അപേക്ഷ ഫീസ്: ജനറൽ, ഒബിസി, സാമ്പത്തികമായി പിന്നാക്ക വിഭാഗം (ഇഡബ്ല്യൂഎസ്) എന്നിവർ 300 രൂപ അപേക്ഷ ഫീസ് നൽകണം. എസ്സി, എസ്ടി, എക്സ് സർവീസ്&zwnj;മെൻ എന്നിവർ അപേക്ഷ ഫീസ് സമർപ്പിക്കേണ്ടതില്ല.</p> <p>ശമ്പളം: 40,000 രൂപ മുതൽ 1,40,000 രൂപ വരെയാണ് ശമ്പള സ്&zwnj;കെയിൽ. ശമ്പളത്തിനൊപ്പം, കമ്പനി പോളിസികൾക്കനുസൃതമായി ക്ഷാമബത്ത, അധിക അലവൻസുകൾ, ടെർമിനൽ ആനുകൂല്യങ്ങൾ എന്നിവയും ലഭിക്കും.</p>